Քամու համբույրից դողաց մի տերև,
Շշուկով դիպավ իր հարևանին,
Խշխշաց հանկարծ իմ գլխի վերև
Ու տարուբերվեց հինավուրց կաղնին:

Կռացավ կաղնին նորից բարձրացավ,
Ճյուղերով դիպավ ուրիշ մի ծառի,-
Եվ շշուկն այսպես ծառից-ծառ անցավ,
Հասավ հեռավոր խորքերն անտառի:

Ալեկոծվում էր անտառը հուզված
Ու ոսկեզօծված գլուխն օրորում,
Իր մեծ գրկի մեջ քամու համբուրած
Փոքրիկ տերևն էր կարծես որոնում:

Խշշում էր անտառն ու տարուբերվում,
Երկինք էր հասնում խշշոցը նրա…
Իսկ քամին ուրախ սուլում էր հեռվում

Ու ծիծաղում էր անտառի վրա:

Առաջադրանքներ

1. Կարդա՛ բանաստեղծությունը և բառարանի օգնությամբ բացատրի’ր անծանոթ բառերը:

տարուբերվել-շարժվել,դեսուդեն ընկնել

ալեկոծվել-ալիքներ տալ

հինավուրց-շատ հին

2. Բանաստեղծությունից առանձնացրո՛ւ փոխաբերությունները և բացատրի՛ր:

Քամու համբույրից դողաց մի տերև- քամին փչեց տերևը շարժվեց

Շշուկով դիպավ իր հարևանին-կամաց կպավ կողղքի տերևին

Եվ շշուկն այսպես ծառից-ծառ անցավ,
Հասավ հեռավոր խորքերն անտառի- տերևների խշշոցը տարածվեց ամբողջ անտառով

Ալեկոծվում էր անտառը հուզված
Ու ոսկեզօծված գլուխն օրորում,
Իր մեծ գրկի մեջ քամու համբուրած
Փոքրիկ տերևն էր կարծես որոնում- ալեկոծվում էր քամուց անտառը պոկված տերևն էր ման գալիս

3. Արձակ պատմի՛ր բանաստեղծությունը:

4.Նկարագրի՛ր աշնանային անտառը:

Աշնանը բոլոր տերևներնը դեղնում են: Անտառը դառնում է ոսկեգույն:Անտառը դառնում է ծեր: